Roedd aelod o fwrdd Crys16 a hyrwyddwr amrywiaeth a chynhwysiant Sarah Greener yn bresennol yn y ddwy gêm ddiweddar ar ochr arall Fôr Iwerddon.
Darllenwch ymlaen i ddarganfod sut gwnaeth ffyddloniaid y Scarlets eu ffordd i Limerick a Belfast.
Mae Parc Thomand yn cael ei ystyried yn un o gaeau rygbi mwyaf enwog Ewrop ac mae wedi bod ar fy rhestr bwced i wylio gêm yno.
Roedd y croeso i Thomond Park gan gefnogwyr Munster fel dim byd ges i erioed o’r blaen. Fe wnaethon nhw roi anrhegion i ni a gwneud i ni deimlo’n gartrefol. Clywsom straeon o’u teithiau oddi cartref eiconig yn Cwpan Pencampwyr Ewrop – un diwrnod byddwn ni’n creu straeon tebyg unwaith eto! Roedd yr olygfa o’r balconi hygyrch i gadeiriau olwyn yn anhygoel a ninnau yn teimlo’n rhan o’r awyrgylch a’r gêm.
Roedd dechrau’r gêm yn drydanol, fflagiau’n chwifio tra bod y stadiwm yn canu “Stand Up and Fight”. Doedd hi ddim yn Yma O Hyd ond roedd yn ddechrau cyffrous i’r gêm. Er gwaethaf cais ardderchog gan Macs Page (noddwyd yn falch gan Crys16), roedd y canlyniad yn siomedig. Ond roedd ein cefnogwyr gwych o’r Scarlets a wnaeth y daith yn dal i ganu a’r baneri Twrci yn dal i hedfan. Er bod y golled yn siomedig, roeddwn wrth fy modd gyda fy ymweliad â Thomond Park a fedrai ddim aros i fynd yn ôl.
Y stop nesaf oedd Belfast. Roedd yr haul yn gwenu a braf oedd gweld cymaint o gefnogwyr y Scarlets (eto). Fe wnaethom rannu straeon am y golygfeydd i weld ac awgrymiadau gyda chyd-gefnogwyr y Scarlets a hyd yn oed ymuno i ganu Yma O Hyd y tu allan i’r stadiwm.
Roedd yn amser mynd i mewn, ac roedd gan y balconi sy’n hygyrch i gadeiriau olwyn olygfa wych arall (ddim cystal â Pharc y Scarlets serch hynny!).
Er gwaethaf y canlyniadau siomedig yn Munster ac Ulster, roedd y teithiau oddi cartref yn llawer o hwyl ac ni allaf aros i fynd ar yr un nesaf. Wrth i ni ddod i ddiwedd y tymor, mae ein Scarlets nerthol angen i ni i floeddio’n uchel ac yn falch o’r terasau ym Mharc y Scarlets.
Nid oes dim byd tebyg i ddiwrnod gêm, ac os ydych chi heb sicrhau eich lle yn y gemau sydd i ddod yn barod, prynwch eich tocynnau yma: https://www.eticketing.co.uk/scarletsrugby
